ســندريــــــــــلا

>> تخيلوا البنات يخطبون الرياييل<<


تتفاجأ في يوم وانت قاعد تقرأ كتاب رومانسي وأنواع الأحلام الورديه (ياااي) وسرحان في فارسة احلامك على الحصان الابيض..


الا وامك داخلة عليك وتوها جاية من بيت جيرانكم و تقولك : يا ولدي ودي اكلمك في موضوع. .
ترد انت بكل خوف : خير يمه؟ ....
تقول امك : ترى جارتنا ام خالد تبي تخطبك لبنتها. وانت ماشاءالله كبرت و احلويت وكلن يبيك. ها وش رايك؟

وعاد تنزل انت راسك في الارض و تلعب باصبعك في شعرك (او شنبك) وترد وانت مستحي وخدودك حمرة (هذا اذا كنت محلق اللحية) و تقول: ....
الراي رايك والشور شورك يايمه..

تقول امك : انا بصراحة ما اشوف في البنت شي. .

ماشالله عليها محترمة و وظيفتها زينه وراتبها ممتاز ومن عائلة محترمة ومن البيت للمسجد ومن المسجد للبيت ..
ولا عندها سوالف السفر والخربطة ولاتدخن ، يعني بنت ما عليها. .
تقول انت : بس يا يمه هي ما شافتني من اول...
تقول امك : هي شافتك و انت نازل من باص المدرسة (الله واكبر)...

بس ..و سألت عنك وقالوا لها ولد ماهوب راعي سوق و كوفي شوب و ما يطلع الا مع ابوه.
و تراها هي وامها جايين يوم الخميس علشان يشوفونك..

تسال انت: طيب يا يمه ابوي وش رايه؟

تقول امك: ابوك ما يدري خليه حايس في المطبخ الله يعينه..

تقول انت :اللي تشوفينه يمه. .وتطلع امك من الغرفة

وتنط انت قدام المنظره و تاخذ نص لفة يمين و نص لفة شمال تشوف جسمك و تمشط شعرك وشنبك بدلع (ياعمري)

و تقول : اه اخيرا حست وخطبتني.

و قبل يوم الخميس تروح انت لكوافيير رجالي وتكون مسوي حجز وتقعد وتصبغ شعرك (هاي لايت) وتزين حواجبك
وتجي البيت و تلبس الثوب اللي فصلته عند مصمم الاعراس و الحفلات واللي فيه فتحة من عند الساق وفتحه في الظهر وسيور وذاك المكياج وذاك العطر اللي يشق الخشم و تنزل للصالة

ويقولك ابوك : يالله دخل العصير على خطيبتك ترى امك ذبحتنا تسال عنك

تقول انت بكل خجل: لالايا يبه انا استحي

ابوك يقولك وهو يطق على كتفك ويضحك يا ولد روح لعروسك إهئ إهئ

تقول انت: يا يبه دايما تحرجني انت ...

و تاخذ صينية العصير وتدخل المجلس اللي فيه البنت بكل نعومه ورقه ودلع وأدب وتقول بصوت ناعم : احم احم الس السسسلام عليكم....
ترد هي بعد ما وقفت وعليكم السلام ( و هي تطالع فيك وفي كل قطعة فيك) ...
و تقولها تفضلي....

تقول هي: وش الاحلى العصير الاحمر ولا الاصفر؟ يعني تبي تلطف الجو معاك <...تتلصق.

تقول انت: كله حلو

تقول هي: اكيد كله حلو لانك انت اللي مسويه

وبعدين تحط الصينية بسرعة وايدك على حلجك وتضحك و تروح داخل بسرعة
ياربييييييييييييييه

الا اخوانك ينتظرونك و يقولون: ها شلون شكلها

تقول انت: واي واي تهبل تهبل حلوة ودمها خفيف و ذوق اهههههااي

الا ابوك من المطبخ يزغرط
لللللللوووولللللوووووشششش شششش مبروك يا ولدي

الا بدخلة اختك (الكبيره) من بره وحاطه عبايتها على كتفها و تقول : خير وش السالفه!!

يقوله ابوك : قصري صوتك في وحده داخل خطبت اخوك ..

وتصرخ اختك: وهي وين شافت اخوي علشان تخطبه هاااه؟؟؟؟ وانت من وين تعرفها...؟؟ وتعطيك كف وتصرخ والله لالعن شكلها اللي جايه تخطب اخوي شباب آخر زمن

الا بدخلة امك وتسطر اختك كف وتطلع اختك بالسيارة وتحفص وتروح....

و تمر الايام وانت تجهز ثوب العرس والكوشة وبيت الزوجية وخلال هالفترة تمرك زوجتك بالسيارة تتمشون وتحاول انها تمسك ايدك وانت مستحي ( ومن هناك ودك تموت) وانت تقول لا لا عيب احد يشوفنا (يعني لو ماحد يشوفنا ترى عادي)

و يجي يوم العرس وتقعد انت في الكوشة وكل الشباب حوالينك يرقصون
وشوي الا العفسة قايمة : ترى العروس جايه

و ينطون الرجال والشباب كلن يلبس ويتلثم ..

وتدخل العروس مع امها وخواتها (خواتها يتميلون قدام الشباب ) وتقعد العروس جنبك وترفع الطرحة وتقولك: الله صاير مثل القمر

ثم تلف وجهك وانت مستحي

و يتم الزواج وبعد تسعة شهور الا انت تصرخ في الليل فيك الطلق

و يودونك المستشفى وتولد وتجيب توأم

وتطلع من المستشفى الى بيت اهلك علشان النفاس <....حركات

و تاخذها زوجتك فرصة وتسافر مع البنات ويهيصون قبل ما تخلص مدة نفاسك الله يساعدك الله يساعدك ويكون في عونك

و ترجع لبيتك تربي عيالك وتطبخ الغدا لزوجتك

وتتخانقون ساعات وتنام و دمعتك على شنبك

ويزيد حدة الخلاف وتاخذ اغراضك وعيالك وتروح لبيت اهلك

و تصلح امك ما بينكم وترجع الحياة مثل اول....



>>منقووووول<<